Charter Document - 02360008
| Charter Number: | 02360008 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Renunciation |
| Date: | 1201 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis ego Poncius filius domini Hugonis de Monte Sancti Johannis notum facio omnibus ad quoscumque littere presentes pervenerint me Beato Germano Autisiodorensi et fratribus in ejus monasterio Deo servientibus ob innumerabilia et gravia dampna que antecessores mei et ego eidem ecclesie et membris ejus intuleramus guerpivisse concessisse et in elemosinam dedisse quicquid reclamabam vel de jure habebam in salvamento et herbergagio de Digia et de potestate ejus Ob recompensacionem hujus beneficii dedit michi eadem ecclesia per manum Radulfi abbatis mihi et heredibus meis quicquid juris habebant in villa de Marreis et in appendiis ejus ducentas quinquaginta libras pruvinenses et quadraginta marchas argenti Hec omnia ego et dominus Willelmus frater meus laudavimus et juravimus bona fide nos observaturos et uxor mea nomine Heluis dominaque Bureta uxor domini Willelmi fratris mei et secundum posse nostrum legitimam garantiam nos et heredes nostri prefate ecclesie portavimus si quis in his contra ecclesiam predictam aliquid reclamaverit Quod ut ratum et firmum permaneat huic carte sigillum meum apponi feci Actum Autissiodori in capitulo Sancti Germani anno incarnati Verbi MCCI