Charter Document - 02360004
| Charter Number: | 02360004 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1201 |
| Date type: | Internal, A.D. |
| Resource Link(s): |
|
Charter:
Petrus Dei gracia Senonensis archiepiscopus omnibus presentes litteras inspecturis in Domino salutem Notum facimus quod cum quedam processio instituta sit ad domum leprosorum de Popelin juxta Senonis sitam die dominica ante festum Sancti Johannis Baptiste annis singulis sollempniter facienda et locus ille pia fidelium visitatione indigeat nos illos qui divino intuitu propter loci reverentiam dicte processioni interfuerint pia volentes retributione gaudere eis vere videlicet et penitentibus de Dei misericordia et gloriose Virginis Marie et beati prothomartyris Stephani et omnium sanctorum meritis confidentes quinque dies de injunctis sibi penitentiis misericorditer relaxamus Hanc autem indulgentiam a predicta die dominica usque in crastinum sequentis festi Sancti Johannis decernimus in perpetuum duraturam Datum Senonis anno Domini MCC primo mense maio