Charter Document - 02351035
| Charter Number: | 02351035 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1082 |
| Date type: | Internal, A.D., Regnal |
| Resource Link(s): |
Reference Document for this Embedded Document |
Charter:
Ego quoque Rainardus Gaufridi filius comitis hoc donum Leterici et dona que pater meus predicte ecclesie Sancte Marie contulit laudo et concedo Insuper etiam tam pro mea quam et pro patris mei anima medietatem decime quam hactenus pater meus retinuerat et cum ipsa quam habent in perpetuo possidendam monachis concedo Horum donorum atque laudationum testes sunt qui presentes interfuere Gilduinus vicecomes Wido de Siligniaco Herbertus Warnerii filius cum aliis multis et ejusdem castri populo Factum publice castro Jauviniaco anno dominice Incarnationis MLXXX secundo mense januario regnante Philippo anno vigesimo secundo rege Francorum