Charter Document - 02350508
| Charter Number: | 02350508 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Internal, A.D., Feast |
| Resource Link(s): |
|
Charter:
Magister Josbertus et magister G curie Senonensis officiales omnibus has litteras inspecturis in Domino salutem Notum fieri volumus quod cum Florentia uxor defuncti Gaufridi de Codreio et W et Renaudus filii ejus quoddam nemus haberent commune cum Daimberto monacho contiguum nemori Sancte Columbe apud Capellam super Orosam coram nobis recognoverunt se dedisse partem suam medietatem nemoris illius scilicet ecclesie Sancte Columbe in perpetuam elemosinam et insuper ipsi et Gila filia Florentie jam dicte de illo investierunt ecclesiam per librum quemdam quem coram nobis adsistentibus monachis domus illius et pluribus aliis tam clericis quam laicis super majus altare obtulerunt Fiduciaverunt etiam in manu nostra dicta Florentia que super medietatem partis illius nemoris que ad ipsam et filios suos contingebat dotem suam habebat et predicti W et Renaudus quod donum illud ubique de jure garantirent Constituerunt etiam plegios de predicto nemore de jure garantiendo Petrum monachum et Paganum fratrem ejus et Deimbertum monachum qui etiam dictam elemosinam laudaverunt et Deimbertus de cujus feodo nemus erat feodum quitavit in perpetuum Laudaverunt etiam hoc donum Florentia de cujus dote sicut dictum est medietas erat et Gileta filia ejus Predictus autem W qui peregre Jherosolimam erat in proximo annuente Domino profecturus recepit de caritate domus viginti libras et supradicta Florentia mater ejus quadraginta solidos Actum die festi Beati Hylarii apud Sanctam Columbam anno Domini millesimo ducentesimo