Charter Document - 02350506
| Charter Number: | 02350506 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 |
| Date type: | Internal, A.D. |
| Resource Link(s): |
|
Charter:
Ego Petrus comes Tornodori et Altissiodori notum facio universis presentibus et futuris quod ego ductus penitentia pro excessibus et forisfactis que intuli venerabili ecclesie Molismensi in bona fide juravi quod de cetero non mittam manum per malum in ecclesiam Molismensem nec in aliquid quod pertineat ad ecclesiam nec aliquis pro me quandiu abbas Molismensis et ejus officiales et prepositi voluerint mihi et meo mandato rectum facere nec pro aliquo alio mittam manum in res abbatie nec aliquis pro me Pro hac autem securitate juramenti mei venerabilis conventus memorate ecclesie me absolvit et remisit excessus quos eis huc usque feci Hoc autem juramentum a Guillelmo fratre meo et a Fulcone de Vinoliis et a Gaufrido camerario meo et a Galtero marescallo sigillo meo confirmavi Actum anno dominice Incarnationis millesimo ducentesimo mense octobri