Charter Document - 02350475
| Charter Number: | 02350475 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1197 |
| Date type: | Internal, A.D. |
| Resource Link(s): |
|
Charter:
Willelmus Dei gracia humilis abbas Sancti Remigii Senonensis et totus ejusdem ecclesie conventus omnibus ad quos littere presentes pervenerint in Domino salutem Notum fieri volumus quod pro relevanda ecclesie nostre obligatione debitorum urgentissima hominibus nostris in parochia de Varellis et de Eschegiis manentibus non minus precibus eorum annuentes quam nostre necessitati providentes consuetudinem illam que manus mortua nuncupatur vendidimus et consuetudinis illius commoda quocumque loco contigerint eis percipienda imperpetuum concessimus Concessimus etiam eis quod illi qui terras censuales possidebunt dimissa in campo decima sicut dari debet alias gerbas sine assensu decimatoris in domos suas deferant In cujus rei memoriam et confirmationem presentem paginam sigillorum nostrorum impressione roboravimus Actum anno incarnati Verbi MC nonagesimo septimo