Charter Document - 02350471
| Charter Number: | 02350471 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1197 |
| Date type: | Internal, A.D. |
| Resource Link(s): |
|
Charter:
Michael Dei gratia Senonensis archiepiscopus et G eadem gratia Nivernensis episcopus omnibus ad quos littere iste pervenerint in Domino salutem Notum fieri volumus quod cum causa que vertebatur de pluribus querelis infra nominatis inter venerabilem fratrem Altisiodorensem episcopum et dilectam filiam abbatissam Altissiodorensem nobis commissa esset auctoritate apostolica et remoto appellationis obstaculo terminanda ac per testes idoneos et omni exceptione majores post trinam etiam testium productionem examinatione eorum diligentissime facta nobis de cause merito et veritate constaret nos prudentum virorum ac peritorum in jure usi consilio et ordine juditiario procedentes predicte abbatisse per diffinitivam sententiam adjudicavimus ea de quibus inter eam et dictum episcopum controversia vertebatur videlicet usuarium de mortuo nemore ad unam bigam in omnibus nemoribus de Gia Episcopi et preterea presentationem super ecclesia de Coleingiis et manum mortuam de omnibus hominibus ad prenominatam abbatissam pertinentibus in villa de Gia Condemnavimus etiam dictum episcopum eidem abbatisse in hoc quod pro terra Reginaldi Cheneveus tenebitur idem episcopus solvere ecclesie Sancti Juliani singulis annis in Natali Domini unam quadrigam lignorum et unum boissellum bladi uno anno ordei et alio frumenti et unum denarium Et preterea ipsi abbatisse adjudicavimus laudationes et venditiones ejusdem terre et quinque solidos et septem denarios Altisiodorensis monete quos prefatus episcopus tenebitur ei solvere annuatim pro censu sue domus Altisiodorensis in qua ipse habet mansionem In hujus itaque rei memoriam presentem cartam notari fecimus et sigillorum nostrorum munimine roborari Actum anno Domini MCXC septimo mense septembri