Charter Document - 02350465
| Charter Number: | 02350465 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1196 |
| Date type: | Internal, A.D. |
| Resource Link(s): |
|
Charter:
Michael Dei gratia Senonensis archiepiscopus omnibus ad quos littere presentes pervenerint in Domino salutem Notum fieri volumus universis presentibus pariter et futuris quod ad augmentum divini servitii in capella nostra Senonensi in qua canonicos instituimus celebrandi eisdem canonicis reditus assignavimus annuales Nolentes igitur eosdem canonicos super assignatis et assignandis sibi reditibus gravari vel ab aliquo molestari super omnes illos sive sint presbiteri sive non qui eis reditus suos reddere tenentur plenam ipsis presentibus litteris justiciam concedimus Indulgentes eis et eorum successoribus canonicis predicte capelle in perpetuum ut si qui sive presbiteri sive alii super reditibus suis eos molestaverint aut ipsis illos ultra justum terminum reddere preter eorum voluntatem distulerint eos ad solutionem redituum non expetita licentia nostra vel mandato nostro auctoritate nostra per censuram ecclesiasticam cogant districtius et compellant Ut ergo hec nostre concessionis indulgentia robur perpetuo obtineat illibatum eam presenti carte fecimus annotari et sigilli nostri munimine roborari Actum Senonis anno incarnati Verbi MC nonagesimo sexto