Charter Document - 02350464
| Charter Number: | 02350464 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1196 |
| Date type: | Internal, A.D. |
| Resource Link(s): |
|
Charter:
Michael Dei gratia Senonensis archiepiscopus omnibus ad quos littere iste pervenerint in Domino salutem Notum fieri volumus quod dilecti filii capitulum Senonense pia consideratione ducti hominibus de Veron illis tantummodo et de illis qui in parrochia ejusdem ville mansionarii fuerint pro memorate ville incremento et utilitate manum mortuam que ad Senonensem pertinebat ecclesiam in perpetuum remiserunt Ita quidem quod in recompensationem hujus rei homines predicti ad furnum memorati capituli per bannum perpetuo coquere tenebuntur et gallinas quas debebant canonicis annuatim singuli singulas laudabiles Senonis reddent infra vigiliam Sancti Thome apostoli Quod ut ratum permaneat presentem cartam sigilli nostri munimine volumus roborari Actum anno Verbi incarnati MC nonagesimo sexto mense januario