Charter Document - 02350463

Celestinus episcopus servus servorum Dei dilectis in Christo filiabus Sarre abbatisse de Crisenone ejusque sororibus tam presentibus quam futuris regularem vitam professis imperpetuum Prudentibus virginibus que sub habitu religionis accensis lampadibus per opera sanctitatis jugiter se preparant ire obviam sponso sedes apostolica debet patrocinium impertiri ne forte cujuslibet temeritatis incursus aut eas a proposito revocet aut robur quod absit sacre religionis enervet Ea propter dilecte in Christo filie vestris justis postulationibus clementer annuimus et prefatum locum de Crisenone in quo divino mancipate estis obsequio felicis recordationis Eugenii pape predecessoris nostri vestigiis inherentes sub B Petri et nostra protectione suscipimus et presentis scripti privilegio communimus Statuentes ut quascumque possessiones quecumque bona impresentiarum juste et canonice possidetis aut in futurum concessione pontificum largitione regum vel principum oblatione fidelium seu aliis justis modis prestante Domino poteritis adipisci firma vobis vestrisque succedentibus et illibata permaneant In quibus hec propriis duximus exprimenda vocabulis locum ipsum in quo cenobium vestrum situm est cum omnibus pertinentiis suis furnum de foro Autissiodori furnum de S Gervasio cum usuario de bosco de Bar molendinum de Pratis clausum vinearum stagnum de Scolivis octoginta brunellos salis usuarium de bosco de Fretai apud Basernam duos modios bladi in molendinis filii nobilis viri Narjodi unum et alium in reditibus Galfridi et terciam partem alodii in bosco et plano et aquis et omnibus costumis et consuetudinibus et duos modios vini in clauso Narjodi domini Baserne et apud Basernam unum sextarium frumenti apud Chistri decem solidos censuales apud Valan censum et bladum apud Monasterellum ecclesiam cum representatione sacerdotis viginti solidos et decem libras cere et quinquaginta solidos de teloneo ville Liniaci et dimidiam partem minutarum decimarum in Campis decimam vini et bladi apud Apoignis decem solidos censuales ad Sanctum Cirum decimam bladi et ceterorum apud Malliacum Villam medietatem minutarum decimarum et de Malliaco Castello decimam de Roan Iterum apud Autissiodorum duos furnos ad portam Feschel et furnum de S Eusebio et vineas quam plures molendina de Cren apud Rippam tria sextaria bladi et quinque solidos censuales apud Noers unum modium bladi in molendino de Montot apud Ultenacum furnum in campis de Mondefois partem decime apud Malliacum decem libras in venditionibus usuarium mortui nemoris in bosco de Arsiaco apud Marriacum sufficientem usum terre petre nemorum ad opus molendinorum de Cren apud Pratum Gilberti grangiam cum territorio suo et censum cum costumis et consuetudinibus ecclesiam de Luchiaco cum representatione sacerdotis villam de Lissi cum appenditiis suis et ecclesiam ejusdem ville cum representatione sacerdotis grangiam de Charmei cum territorio suo molendina de Arsiaco et decimam bladi et vini et duos solidos censuales et quartam partem oblationum per tria festa grangiam de Vertennaco cum territorio suo vineas et domos Varziaci cum appenditiis suis grangiam de Chalmes cum territorio suo apud Truciacum censum et costumas apud Sementeron tertiam partem decime et totam minutam decimam medietatem decime de Chassi censum apud Crevent et consuetudines apud Jussi censum ad Colunias censum et costumas apud Castrum Censorium annualia prebendarum canonicorum apud Nuiliacum in Campania medietatem in decimis apud Lisigni decem solidos censuales apud Fouroone medietatem furni jus quod habetis in monasterio de Firmitate vobis nihilominus confirmamus Sepulturam preterea ejusdem loci vestri liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen justicia illarum ecclesiarum a quibus mortuorum corpora assumuntur Obeunte vero te nunc ejusdem loci abbatissa vel earum aliqua que tibi successerit nulla ibi qualibet subreptionis astucia seu violencia preponatur nisi quam sorores communi consensu vel sororum pars consilii sanioris secundum Dei timorem et beati Benedicti regulam providerint eligendam Decernimus ergo [] Datum Rome apud S Petrum per manum Censii S Luciein Orchea diaconi cardinalis domini pape camerarii kalendis maii indictione XIIII Incarnationis dominice MCXCVI pontificatus vero domni Celestini pape III anno sexto