Charter Document - 02350461
| Charter Number: | 02350461 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1195 |
| Date type: | Internal, A.D. |
| Resource Link(s): |
|
Charter:
Ego Maria Trecensis comitissa notum facio presentibus et futuris quod quidquid Guido de Arceis vir nobilis habebat in territoriis de Longueron et Chamlay in locis qui dicuntur Closellus Rogelin Turricule Sepes de Ladu Vallis Guillermi et Bevine que tenebat a me in feodo cum omni censu et proprietate in presentia mea ecclesie Sancte Columbe Senonensis in posterum contulit et donavit et laudantibus heredibus suis pacifice possidendum concessit Hanc autem donationem ut pie factam approbavi et quidquid juris habebam in dictis locis preter justitiam totum dicte ecclesie in perpetuum quictavi et donavi Quod ut ratum teneatur sigillo meo confirmavi Actum Jogniaci anno Domini et incarnati Verbi MCXCV Data per manum Galteri cancellarii Nota Theodorici