Charter Document - 02350458
| Charter Number: | 02350458 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1195 |
| Date type: | Internal, A.D. |
| Resource Link(s): |
|
Charter:
Ego Mathildis comitissa Nivernensis et Autissiodorensis notum facio presentibus et futuris quod ego pro remedio anime mee et pro anniversario meo in abbacia Regniaci anno quolibet perpetuo celebrando dedi et concessi Deo et Beate Marie et fratribus ibidem Deo famulantibus totam aquam meam quam habebam contiguam aque Herberti de Merriaco prout dividitur et metatur a rivo fontis Roboris et prout se extendit in longum et in latum usque ad aquam canonicorum Autissiodorensium cum tota justicia nichil michi juris proprietarii petitorii possessionis justicie vel dominii vel heredibus vel successoribus meis in dicta aqua retinens in futurum sed volo quod predictis religiosis cum omni jure meo predicto libera et quieta perpetuo remaneat quam promitto ut teneor erga omnes garantire et ad hoc me heredes meos et successores meos obligo nunc et semper Testes sunt episcopus Eduensis Ansericus dominus Montisregalis Johannes de Tornella miles Quod ut ratum et firmum permaneat presentes litteras auctoritate sigilli mei confirmavi Actum anno Incarnacionis dominice MCXCV mense Augusto