Charter Document - 02350453
| Charter Number: | 02350453 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1194 - 1195 |
| Date type: | Internal, A.D. |
| Resource Link(s): |
|
Charter:
Michael Dei gratia Senonensis archiepiscopus omnibus ad quos littere iste pervenerint in Domino salutem Notum fieri volumus quod cum diutius in presentia nostra fuisset ventilata questio inter dilectos filios monachos Pontiniaci ex una parte et Johannem presbyterum de Sancto Clemente et matrem ejus ex altera super domibus que quondam fuerunt Theobaldi Trecensis ad ultimum inde est compositio in hunc modum de assensu partium nobis mediantibus ordinata Statutum itaque est quod presbyter domos illas pro se et pro matre sua dictis monachis in perpetuum quitaret et ferret garentiam contra omnes et etiam traderet litteras quarum jure domos reclamabat monachis memoratis Statutum fuit et concessum quod presbytero XL libras Parisienses et matri sue XX solidos Parisienses darent monachi Actum Parisius anno incarnati Verbi MCXCIV mense martio