Charter Document - 02350452
| Charter Number: | 02350452 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1194 |
| Date type: | Internal, A.D. |
| Resource Link(s): |
|
Charter:
Michael Dei gratia Senonensis archiepiscopus omnibus ad quos littere presentes pervenerint in Domino salutem Notum fieri volumus quod cum dilecti filii abbas et canonici Deilocenses terram quandam quam tenebat Johannes juxta crucem de Villapedis sitam reclamarent afferentes eam de donatione avi et patris ejusdem Johannis devolvendam ad ecclesiam Deilocensem tandem constitutus in presentia nostra idem Johannes recognito jure dictorum canonicorum ipsam terram in manu nostra resignavit et eam sepedictis canonicis post obitum suum quiete possidendam in perpetuum recessit Nos igitur de terra illa eosdem investivimus canonicos ita quidem quod predictus Johannes eam quamdiu vixerit tenebit et de recognitione memoratis canonicis duos bichetos de blado annuatim persolvet infra octavas Sancti Remigii de illo scilicet blado quod crescet in terra Et post obitum ipsius Johannis terra ad ipsos canonicos libere et absque omni contradictione et calumpnia revertet Hoc autem coram nobis laudaverunt Eranburgis mater ipsius Johannis et Edelina uxor ejus Quod ut ratum sit presentem cartam sigilli nostri fecimus munimine roborari Actum Deiloci anno incarnati Verbi MCXC quarto