Charter Document - 02350428

In nomine sancte et individue Trinitatis Guido Dei gratia Senonensis archiepiscopus omnibus ad quos littere presentes pervenerint in Domino salutem Notum fieri volumus universis presentibus et futuris quod discordia que erat inter nos et Fulconem abbatem Sancti Germani de Pratis et ipsam ecclesiam de procurationibus quas ab eis petebamus in Emant et Balneolo et Sancto Germano juxta Musteriolum in presentia domini Philippi Francorum regis ita terminata est nos siquidem quittavimus abbati et ecclesie Sancti Germani in perpetuum procurationes quas in predictis locis petebamus ab eis tali modo Quod abbas et successores sui nobis et successoribus nostris vel nostris certis nuntiis pro procurationibus illis reddent singulis annis octo libras Parisienses apud Emant in octabis Pasche Et si nos vel successores nostri veniremus semel in anno ad Emant vel Balneolum vel ad villam que dicitur Sanctus Germanus abbas et successores sui aut ille qui domum tenebit recipient nos et successores nostros et vivemus ibi nos et successores nostri nocte una sumptibus nostris propriis ita quod ille qui domum tenebit non tenebitur aliquid dare nobis vel successoribus nostris preter hospitium nisi hoc de gratia facere voluerit Et si nos vel successores nostri semel recepti fuerimus in uno predictorum locorum non tenebuntur monachi recipere nos vel successores nostros in aliquo illorum trium eodem anno Nos autem faciemus quittari jam dicte ecclesie et abbati medietatem decime lane a presbyteris qui sunt in ecclesiis Sancti Germani per archiepiscopatum Senonensem constitutis scilicet Emant Balneolo et villa que dicitur Sanctus Germanus juxta Musteriolum Et presbyteri dictarum ecclesiarum aliam medietatem ejusdem decime habebunt Nuntii autem abbatis Sancti Germani facient fidelitatem presbyteris qui in dictis ecclesiis erunt et presbyteri per nuntios suos nuntiis abbatis de dicta decima communiter et fideliter querenda et inter se dividenda Quod ne valeat alicujus oblivione deleri vel malitiose perverti sigillo nostro fecimus id confirmari astantibus ecclesie nostre personis Salone decano Manasse archidiacono Willermo thesaurario Gaufrido precentore Testes hujus rei sunt Stephanus abbas Sancte Genovefe et canonici illius Hugo et Amalricus Milo abbas Sancti Remigii Senonensis magister Ansellus de Cancellaria Ogerius de Avons Actum apud Fontem Blaudi anno ab Incarnatione Domini MC nonagesimo primo Data per manum magistri Petri cancellarii nostri