Charter Document - 02350408
| Charter Number: | 02350408 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Privilege |
| Date: | 1190 |
| Date type: | Assigned |
| Resource Link(s): |
|
Charter:
Episcopus Autissiodorensis in comitatu et diocesi Autissiodorensis est major dominus in spiritualibus et temporalibus nam omnes et singuli domini temporales dictorum comitatus et diocesis dominia in eisdem situata paucis exceptis tenent a dicto episcopo in feudum vel retro feudum Quod volens demonstrare quidam episcopus Autissiodorensis ab Innocentio papa tertio reprehensus cur non servasset in diocesi Autissiodorensis sentenciam interdicti latam auctoritate apostolica in regno Francie se excusavit legato apostolico super hoc conquerenti dicens quod rex Francorum in diocesi Autissiodorensis propriam terram dicitur non habere et hac de causa episcopus Autissiodorensis in sua diocesi vulgariter nuncupatur chiefsires eo quod quasi omnes ejus subditi ab ipso solo tenent sua dominia temporalia in feudum vel retro feudum Ipse autem episcopus suam totam temporalitatem a rege aut alio domino non tenet in feudum vel homagium sed a solo Deo et ecclesia quia ipsam recepit a beato Germano duce quondam a Romanis in Galliis constituto reliqua parte sui dominii relicta comiti Autissiodorensis quam voluit ab episcopo in feudum teneri