Charter Document - 02350406
| Charter Number: | 02350406 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1190 |
| Date type: | Assigned |
| Resource Link(s): |
|
Charter:
Notum sit universis bone voluntatis hominibus quod nobilis vir dominus Clerembaldus de Nowers honestatem et laudatam strenuitatem in Christi servitio domus Templi attendens ad hec considerans quod in tante liberalitatis expensas ad fratrum usus ibidem Deo et salutifere cruci strenue ac devote famulantium necnon multorum aliorum nobilium quos in providentiam suam in magnis necessitatibus assumpsit de suis facultatibus nulla sufficit ratione nisi bonorum virorum auxilio sustentetur ad salutem anime sue dedit eidem domui annuatim reditus sexaginta solidorum inter Avalun et silvam de Arviail ita quod de consilio meo Stephani de Pierrepertus et domini Joberti de Bar et domini Ferdel Guidonis filii et heredes ejusdem domini Clerembaldi dictos sexaginta solidos assignabunt domui nominate in hominibus suis Avalun si possunt sine ipsorum exheredatione et si homines ad hos reditus non sufficiunt inter Avalun et silvam de Arvial compleatur Quod si nos tres vel morte vel alia necessitate impediti non omnes huic ordinationi potuerimus interesse quicumque superstes fuerit aut presens vicem suppleat aliorum Hujus rei testes sumus ego Stephanus de Pierrepertus et ego Hugo de Ostun per quos memoratus dominus Clerembaldus hoc idem donum in suo posuit testamento unde sicut vidimus et audivimus ita testamur et sigillorum nostrorum subtus impressione signamus