Charter Document - 02350403
| Charter Number: | 02350403 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 |
| Date type: | Internal, A.D. |
| Resource Link(s): |
|
Charter:
Guido Dei gratia Senonensis archiepiscopus universis Christi fidelibus ad quos littere presentes pervenerint in Domino salutem Quanto in ecclesia Dei gradum sortiti sumus eminentiorem tanto studiosius ecclesiastica beneficia ampliare tenemur et ecclesiasticis servitoribus promovendis nos condecet propensius imminere Inde est quod ad servitium Domini solempniter celebrandum in ecclesia Senonensi ad altare Beatorum apostolorum Petri et Pauli assensu capituli nostri quatuor canonicos constituimus et ut habeant unde possint sustentari in obsequio divino eisdem concessimus et donavimus in ecclesia de Misiaco centum solidos parisienses in ecclesia de Noisiaco quatuor libras parisienses in ecclesia de Truisio centum solidos parisienses in ecclesia de Paleio centum solidos parisienses in ecclesia de Ebla centum solidos parisienses in ecclesia de Brionio centum solidos parisienses in ecclesia de Maleio Regis XL solidos parisienses in ecclesia de Bachesio sex libras pruvinenses in ecclesia de Beognio centum solidos pruvinenses Considerantes autem canonici Senonensis ecclesie institutionem predictorum canonicorum divini servitii labori sustinendo fore necessariam quoniam in partem sollicitudinis cum eis erant vocati de bonis ipsius ecclesie partem aliquam eisdem decreverunt impertiri statuentes ad peticionem nostram de communi capituli assensu ut ipsi in perpetuum partitiones cum eis perciperent sicut canonici altaris Beate Marie in eadem ecclesia deservientes eas percipere dinoscuntur Nos vero in earumdem partitionum recompensationem eidem capitulo donavimus ecclesiam de Bosco Regis imperpetuum possidendam Ut ergo hoc apud posteros inconcusse stabilitatis robur optineat presentem paginam notari fecimus et sigilli nostri patrocinio communiri anno incarnati Verbi MCLXXXIX