Charter Document - 02350396
| Charter Number: | 02350396 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 |
| Date type: | Internal, A.D. |
| Resource Link(s): |
|
Charter:
Notum sit tam presentibus quam futuris quod nobilis vir Guido frater domini Clarembaudi de Noers ob remedium anime sue et antecessorum suorum ecclesie Beati Joannis Reomaensis dedit et concessit usuarium in pasturis de Jous tam in nemoribus quam in planis universaliter hominibus eorumdem ville scilicet hominibus predicte ecclesie et justicialibus et in Puteo de Huimus similiter usuarium libere et absolute sicut sui homines habitantes in eadem villa habere solent Concessit etiam jam dicte ecclesie mansum unum quod est intra clausuram prioratus ejusdem ville Preterea quatuor homines Joannem et fratres ejus qui in eadem villa predicte ecclesie antea liberi fuerant et pro suo forefacto in servitutem predicto Guidoni se redegerant ecclesie prenominate Guido ipse de voce concessit ita sane si predicti homines ad ecclesiam redire voluerint ea conditione ut ipsi homines alterum dominum nisi ecclesiam deinceps nec facere nec habere possint Iterum quidam homo in eadem villa prenominate ecclesie antea liber se cum uxore in servitutem predicto Guidoni redegit filio suo non laudante horum etiam filium nomine Nazarium quem sepe dictus Guido propter parentes reclamabat ecclesie prelibate libere et absque calumnia concessit Ob istius autem susceptionem beneficii Hugo abbas Reomaensis et capitulum ejusdem ecclesie predictum Guidonem de illatis injuste ab eo ecclesie predicte absolverunt constituentes illi proprium altare in quo totius vite sue curriculo singulis diebus sibi missam celebrare constituerunt de Spiritu Sancto exceptis diebus lune pro fidelibus Dei diebus sabbati de Sancta Maria Audito autem ejus obitu et comperto nomen ejus in regula cum nominibus fratrum scribetur et sicut de professis ipsius ecclesie fieri solet de eodem prosequetur et ulterius pro ejus anima et antecessorum suorum missa pro fidelibus Dei in perpetuum celebrabitur et ejusdem et patris sui anniversarium non pretermittetur Ne autem istud benefice constitutum maligne restringi valeat vel calumniari ego Hugo Autissiodorensis episcopus et ego Clarembaudus dominus de Noers et ego Guido autor hujus beneficii et concessor istud sigillis nostris corroboravimus laudante hoc uxore domini Clarembaudi Hec omnia facta sunt in presentia domini Hugonis Autissiodorensis episcopi et fratris sui Clarembaudi domini de Noers qui hoc laudaverunt tempore domini Hugonis ejusdem ecclesie abbatis Hujus rei testes sunt Durannus Flavigniacensis Willelmus Milo tunc prior de Jous Godefredus prior Correngiaci monachi Laurentius Leodegarius Lambertus famuli abbatis Stephanus de Argenteuil Jobertus de Melanni Stephanus Li Bornez Josbertus de Bar Huo filius ejus Guido Fardel milites [Actum] anno ab Incarnatione Domini millesimo centesimo octogesimo nono