Charter Document - 02350393
| Charter Number: | 02350393 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1189 |
| Date type: | Internal, A.D. |
| Resource Link(s): |
|
Charter:
Notum sit universis presentibus pariter et futuris quod ego Johannes de Arcies Jherosolimam petiturus donavi communiter in perpetuum ecclesie Escarleiensi et ecclesie Fontis Johannis quicquid habebam in molendino dou Fraine redditum scilicet dominium et dignitatem ita ut monachi predictarum ecclesiarum sibi munerios ad suum placitum mitterent et mutarent preterea quicquid deinceps in molendino acquirere poterunt laudo et concedo Donavi preterea ecclesie Escarleiensi X solidos singulis annis censualiter reddendos Hoc totum laudavit Helissanz uxor mea cum liberis suis Quod ut ratum et stabile in perpetuum habeatur sigilli mei impressione confirmavi anno ab Incarnatione Domini MCLXXXIX Hujus rei testes sunt dominus Ansericus de Monte Regali Guido de Dampetro Gaucherius dominus Castri Rainardi et socii ejus Daimbertus Henricus filius Gilonis Actum publice Harcies in curia ipsius domini