Charter Document - 02350391
| Charter Number: | 02350391 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 |
| Date type: | Internal, A.D. |
| Resource Link(s): |
|
Charter:
Guido Dei gratia Senonensis archiepiscopus omnibus ad quos littere iste pervenerint in Domino salutem Notum sit omnibus tam futuris quam presentibus quod Ugo et Guillelmus homines Messiaci dederunt Deo et ecclesie Deiloci in elemosinam quiquid juris habebant vel habere poterant in prato quod est inter ecclesie prata situm ante portam respicientem ad aquam que dicitur Crientum in perpetuum possidendum Proinde habuerunt homines jam dicti de karitate ecclesie quatuor libras et quinque solidos Pruvinensium quos inter se equaliter diviserunt Laudavit hoc Odo dominus eorum miles a quo tenebant predictum pratum sub annuo censu octo denariorum salvo tamen jam dicto censu et Agnes uxor ejus Habuitque prefatus miles de karitate ecclesie septuaginta quinque solidos Laudavit hoc Odeardis uxor Ugonis et S s filius ejus Laudavit hoc uxor Guillermi Engeburgis et Ugo filius ejus et filie ejus Hersendis et Giroldis Preterea quidam filius sepedicti Ugonis Girardus nomine in via Jherosolimitana constitutus habebat in prefato prato dimidium arpentum et dederat illud si tamen in peregrinatione decederet cuidam sorori sue Booldi maritoque ejus Engeberto Engebertus etiam et uxor ejus dederunt prefate ecclesie dimidium arpentum illud fide data promittentes quod etiam si predictus Girardus redierit facient illud ab ecclesia pacifice perpetuo possideri tantumque dabunt de suo quod ecclesia penitus erit indempnis Pro his igitur fideliter tenendis fide jussores ecclesie posuerunt supradictos homines Ugonem et Guillelmum Quod si contigerit ambos vel unum eorum obiisse uxor utriusque vel alterius faciet in pace teneri dampnumque restituet ecclesie si quod inde contigerit Hujus rei testis est Guillelmus miles Blaniaci qui fidem super hoc tenendo a prefatis hominibus accepit Sunt etiam alii Bartholomeus miles de Ranatolia dominus Petrus de Pontyum Johannes et Stephanus canonici Deiloci Actum Briennoni anno Verbi incarnati MCLXXXIX Data per manum magistri Petri