Charter Document - 02350386
| Charter Number: | 02350386 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 |
| Date type: | Internal, A.D. |
| Resource Link(s): |
|
Charter:
Guido Dei gratia Senonensis archiepiscopus omnibus ad quos littere iste pervenerint in Domino salutem Notum fieri volumus quod Salo decanus et universum capitulum Senonensis ecclesie dederunt Gilleberto presbitero ecclesiam suam de Villanova super Equanam sub pensione quadraginta et trium ibrarum parisiensis singulis annis persolvendarum illis quicquid accidat ubi de interdicto vel de quolibet alio casu Ipse vero Gillebertus juravit quod certis constitutis terminis predictas XLIII libras illis persolveret videlicet singulis duobus mensibus VII libras III solidos et quatuor denarios Juravit etiam quod nec per se nec per alium faceret vel quereret quin prefatam pensionem illis persolveret In cujus rei memoriam presentem cartam scribi fecimus et sigilli nostri impressione muniri Actum Senonis anno incarnati Verbi MCLXXXVIII Datum per manum magistri Petri cancellarii nostri