Charter Document - 02350385
| Charter Number: | 02350385 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1188 |
| Date type: | Internal, A.D. |
| Resource Link(s): |
|
Charter:
Ego Henricus Trecensis comes palatinus notum facio presentibus et futuris quod cum secundum constitutionem domini regis Francorum Philippi et baronum regni ad succursum terre Jherosolimitane in terra canonicorum Senonensis ecclesie que est in comitatu meo decimationes acciperem timentes ipsi canonici et suspectum habentes ne hujus rei occasione dampnum eidem ecclesie in posterum perveniret petierunt ut super hoc labori ecclesie in futurum caverem Volens igitur indempnitati sue fideliter providere presentis attestatione pagine notum fieri volo me decimationes predictas in terra ipsius ecclesie que est in comitatu meo ob nullam aliam causam nisi ob institutionem predictam accepisse nec in ipsa ejusdem ecclesie terra me deinceps hujusmodi quicquam pro consuetudine aliqua vel debito accepturum vel exacturum Quod ut in perpetuum ratum teneatur nec ab heredibus meis aliquo modo in consuetudinem trahatur vel pro debito exigatur paginam presentem sigilli mei impressione roboravi Actum Pruvini anno ab Incarnatione Domini MCLXXX octavo Nota Willelmi