Charter Document - 02350375
| Charter Number: | 02350375 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1188 |
| Date type: | Internal, A.D., Calendar, Feast |
| Resource Link(s): |
|
Charter:
In nomine sancte et individue Trinitatis amen Usus litterarum propter rerum notitiam repertus est ut ea que temporaliter fiunt per temporum successionem oblivioni non tradantur Ea propter sciant omnes tam futuri quam presentes quod ego Petrus comes Nivernensis ego Agnes comitissa uxor ejusdem comitis divino pietatis intuitu et sociorum nostrorum interventibus nostris burgensibus de Autissiodoro liberis videlicet manum nostram quam in eisdem habebamus tam modo existentibus quam superventuris remisimus et ad meliorem prefate urbis restaurationem quam ignis tam lacrimabiliter concremaverat in perpetuum omnino quittavimus Quod ut ratum et inconcussum in posterum habeatur presentem cartulam sigillorum nostrorum munimine muniri precipimus Hujus rei testes sunt hii Mathildis comitissa Tornodori domina et mater nostra Clarem baldus de Noeriis Stephanus Bornus Letericus de Autissiodoro Richardus de Castellulo Rochericus Hugo Goaudi Petrus de Corcun Actum est publice apud Druyam anno incarnati Verbi MCLXXXVIII anno videlicet quo Dominus rex crucem assumpsit die videlicet octabarum B Marie Magdalene que fuit IIII kal augusti