Charter Document - 02350372
| Charter Number: | 02350372 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1187 |
| Date type: | Internal, A.D. |
| Resource Link(s): |
|
Charter:
Adela Dei gracia Francorum regina Noverint universi presentes pariter et futuri quod inter domum Vallisprofunde et Gaufredum Fabrum de Villanova querela aliquamdiu versata est super excursu aque venientis de terra predicte domus De quo excursu cum predictus G fratres ejusdem loci infestaret nobis intuitu justicie placuit eorumdem fratrum super hac controversia testes recipere Qui premissa juratione dixerunt predictam domum quamdiu bone memorie dominus noster Ludovicus christianissimus Francorum rex Villamnovam ante nos tenuit predictum aque excursum ad utilitatem pratorum suorum omnibus anni temporibus liberum habuisse Nos ergo hanc attestacionem ratam habentes eumdem excursum predicte domui omnibus anni temporibus libere habendum concessimus et sigilli nostri appositione confirmavimus Actum Villenove anno Verbi incarnati MCLXXXVII Data per manum Hervei capellani nostri