Charter Document - 02350354
| Charter Number: | 02350354 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 |
| Date type: | Internal, A.D. |
| Resource Link(s): |
|
Charter:
Guido Dei gracia Senonensis archiepiscopus omnibus ad quos littere presentes pervenerint in Domino salutem Notum fieri volumus tam futuris quam presentibus abbatem Sancti Mariani Autissiodori laude et assensu sui capituli concessisse et dedisse Stephano de Curtiniano cantori Sancti Julianide Saltu vineam defuncti Clarini quondam capellani de Villanova Regis que est ultra pontem sita in territorio nostre Ville Nove quam idem C ecclesie Sancti Mariani pro anima sua dimisit ea conditione quod post ejus decessum ipsa vinea et si quid circa ipsam acquisierit in ejusdem ecclesie deveniet possessionem Ipse vero concessit pretaxate ecclesie et dedit pro anima sua et pro anniversario suo annuatim faciendo vineas quas in territorio de Fossez et in valle de Aucep possidebat et aliam vineam que est in valle de Chaci In cujus rei memoriam presentem cartam notari fecimus et sigilli nostri munimine roborari Actum anno incarnati Verbi MCLXXXVI Datum per manum magistri Petri cancellarii nostri