Charter Document - 02350353
| Charter Number: | 02350353 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 |
| Date type: | Internal, A.D. |
| Resource Link(s): |
|
Charter:
Hugo Dei gratia Autissiodorensis episcopus dilectis filiis Herveo decano et toto capitulo ejusdem ecclesie salutem et sinceram dilectionem in Domino Recolentes et memoriter tenentes fidelitatem et devotionem quam dilectus consanguineus noster Guido bone memorie quondam archidiaconus noster erga personam et obsequium nostrum pro libertate ecclesie tempore periculoso usque ad finem perseveranter exhibuisse dignoscitur pro faciendo solemniter anniversario suo XL solidos in ecclesia de Vermentone vobis assignavimus et constituimus reddendos sub religione juramenti infra octabas Omnium Sanctorum singulis annis a capellano qui eidem ecclesie deservierit quorum XX solidi in vigilia et alii XX in missa dividentur canonicis qui servitio anniversarii intererunt et aliis clericis prout optimum videbitur Cupientes autem servitium ecclesie nostre et in presenti et futurum prout Dominus opportunitatem nobis dabit amplificare nihilominus vobis assignamus XL solidos in ecclesia de Miciclis pro faciendis festis Sancti Peregrini hujus civitatis primi episcopi et B Thome Cantuariensis archiepiscopi et martyris ea solemnitate et reverentia qua majores festivitates in hac ecclesia celebrari consueverunt Dividentur autem canonicis qui servitio intererunt XX solidi in uno festo et XX in altero Assignavimus etiam thesaurario et sacriste decem libras cere in supradicta ecclesia ad facienda luminaria in his festivitatibus sicut in majoribus fieri solebat Quod ut ratum maneat presentem cartam sigilli nostri appositione roboratam vobis habere concessimus Data per manum Johannis notarii nostri anno incarnati Verbi MCLXXXVI