Charter Document - 02350348
| Charter Number: | 02350348 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1185 |
| Date type: | Internal, A.D. |
| Resource Link(s): |
|
Charter:
Ego Manasses Dei gracia Lingonensis episcopus et ego Mathildis comitissa Tornodori notum facimus universis quod cum in castro Tornodori contra autentica ecclesie Sancti Aniani a predicta comitissa Malthildi capella fundata esset nos recognoscentes et sana compuncti consciencia hoc in injuriam et gravamen ecclesie Sancti Aniani redundare concedimus et statuimus quod nullus in predicta capella absque voluntate prioris et monachorum Sancti Aniani presumat celebrare divina et ad ecclesiam Sancti Aniani integre referantur oblationes et beneficia quocunque modo facta fuerint in ea monachis etiam Sancti Aniani predicte capelle perpetuo clavis committatur et custodia Laudavit hoc Agnes prememorate comitisse filia jure hereditario Nivernensis comitissa testis cum ipsa et hoc ipsam sigilli sui patrocinio communivit Testes etiam sunt Stephanus archidiaconus Lingonensis Dominicus decanus Tornodorensis et plures alii Actum hoc Verbi incarnati [anno] MCLXXXV