Charter Document - 02350345
| Charter Number: | 02350345 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1185 |
| Date type: | Internal, A.D. |
| Resource Link(s): |
|
Charter:
Guido Dei gratia Senonensis archiepiscopus omnibus ad quos littere iste pervenerint tam presentibus quam futuris salutem Notum fieri volumus quod dominus Stephanus de Petra Pertusa pro anniversario suo et anniversario filii sui Guidonis faciendo concessit et dedit in elemosinam canonicis Sancti Mariani XL solidos in paagio de Basso annuatim in Nativitate Sancti Johannis reddendos et tres solidos censuales in censu ejusdem ville Quitavit insuper eis prata que simul ipse et canonici supra pontem Bellimontis a parte Ulmeti possidebant et sunt in censu Agalonis de Sellenniaco Hanc elemosinam laudaverunt filii ejus Daimbertus archidiaconus Autissiodorensis Stephanus miles Laudavit etiam cum uxore sua predictus Agalo de cujus ista sunt casamento Quam donationem et laudationem ut rata in posterum perseveret ad peticionem utriusque partis litteris expressam sigilli nostri fecimus impressione muniri Actum anno Incarnacionis Domini MCLXXXV