Charter Document - 02350331
| Charter Number: | 02350331 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1184 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis amen Philippus Dei gratia Francorum rex Noverint universi presentes pariter et futuri quoniam Adela mater nostra regina canonicis Cudoti intuitu Dei et ob remedium anime sue et mariti sui patris nostri bone memorie regis Ludovici et pro amore Alpessie vitam inibi ducentis gloriosam et admirabilem dedit et concessit quamdiu ipsa viveret annualem redditum unius modii frumenti ad mensuram Ville Nove in molendinis suis de Ville Nova annuatim in crastino Purificationis Beate Marie percipiendum Quod donum nos intuitu Dei et ob remedium anime nostre et memorati patris nostri regis Ludovici idem donum predicto loco ex parte nostra facimus et in perpetuum stabile esse precipimus Quod ut in posterum ratum illibatumque permaneat presentem paginam sigilli nostri auctoritate ac regii nominis caractere inferius annotato precepimus confirmari Actum aput Fontem Bleaudi anno incarnati Verbi MCLXXXIIII regni nostri quinto astantibus in palatio nostro quorum nomina supposita sunt et signa S comitis Teobaldi dapiferi nostri S Guidonis buticularii S Mathei camerarii S Radulphi constabularii Data per manum Hugonis cancellarii