Charter Document - 02350328
| Charter Number: | 02350328 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1184 |
| Date type: | Internal, A.D., Calendar, Papal |
| Resource Link(s): |
|
Charter:
Lucius episcopus servus servorum Dei dilectis filiis Roberto cantori et canonicis Avalonensis ecclesie tam presentibus quam futuris canonice substituendis salutem in Christo perpetuam Effectum justis postulationibus indulgere et vigor equitatis et ordo exigit rationis presertim quando petentium voluntatem et pietas adjuvat et veritas non relinquit Ea propter dilecti in Domino filii vestris justis petitionibus clementer annuimus et prefatam ecclesiam in qua dominico mancipati estis obsequio ad exemplar felicis recordationis Alexandri pape predecessoris nostri sub beati Petri et nostra protectione suscipimus et presentis scripti patrocinio communimus statuentes ut quascumque possessiones quecumque bona eadem ecclesia in presentiarum juste et canonice possidet vel in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis locum in quo ecclesia memorata sita est cum omnibus adjacentiis et aliis que ad eandem ecclesiam pertinent Ecclesiam Montis Bertaldi et Veteris Castri cum suis pertinentibus Ecclesiam Sancti Petri de Avalone cum suis pertinentiis Ecclesiam de Ateio cum suis pertinentiis Ecclesiam de Ielent cum suis pertinentiis et que est montis Oddonis Quecumque habetis apud Avalonem et apud Changiacum et apud Sanctam Magnentiam et apud Magniacum et apud Butiacum et apud Stabulas et apud Veliacum et apud Proency et apud Prutiacum et apud Villertum et apud Ateas et apud Selliacum et apud Varres et apud Sanctum Germanum de Campis et apud Tarrel et apud Ieelend et apud Pontem Arberti et apud Vallem Oliniaci et apud Boschet et apud Anneiacum et apud Frixiacum Et denarios qui a parochianis ecclesiarum que sunt in archypresbiteratu Avalonensi vobis et ecclesie vestre solventur pro crucibus sicut eos canonice percipere consuevistis Et que habetis apud Chanleias ex dono Josberti de Merlinacco videlicet vineas et grangiam In parochialibus autem ecclesiis quas habetis liceat vobis sacerdotes eligere et ipsos diocesano episcopo presentare [] Datum Verone per manus Hugonis sancte Romane ecclesie notarii XV calendas septembris indictione III anno Incarnationis dominice MCLXXXIIII pontificatus vero domini Lucii pape III anno quarto