Charter Document - 02350327
| Charter Number: | 02350327 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1183 |
| Date type: | Internal, A.D. |
| Resource Link(s): |
|
Charter:
Ego Ansellus de Triangulo omnibus ad quos littere iste pervenerint in Domino salutem Noverit universitas vestra quod venerabilis amicus noster domnus Ulricus abbas Vallis Lucentis assensu tocius conventus sui concessit et donavit mihi atque successoribus meis et venerabili Guidoni archiepiscopo Senonensi atque successoribus ejus imperpetuum quicquid habebat infra parrochiam de Villanova super Vennam excepta domo que est in eadem villa libera et sine censu et exceptis pratis Gaufridi militis de Molinuns Ego vero Ansellus et successores mei in reconpensationem reddemus singulis annis infra octavas Omnium Sanctorum monasterio et fratribus Vallis Lucentis IIII sextarios annone medietatem ibernagii et medietatem tremesii et dominus archiepiscopus Senonensis vel quicumque predictam tenuerit villam tantumdem reddet Quod ut ratum maneat et firmum munimine sigilli nostri feci muniri Actum est hoc anno incarnati Verbi MCLXXXIII