Charter Document - 02350326
| Charter Number: | 02350326 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1183 |
| Date type: | Internal, A.D. |
| Resource Link(s): |
|
Charter:
Stephanus Dei gratia abbas Sancti Remigii Senonensis omnibus ad quos littere iste pervenerint in Domino salutem Notum fieri volumus quod assensu domini archiepiscopi Guidonis et tocius capituli nostri ad procurationem monachorum infirmorum quos cogente infirmitate a conventu removeri contigerit septem libras perpetuo percipiendas in ecclesia de Villanova super Equanam concessimus et donavimus sexaginta etiam solidos quos debet ecclesia de Vauderia XL pro botis hyemalibus et XX pro anniversario nostro singulis annis faciendo reddendos annuatim statuentes concessimus et donavimus ad procurationem conventus Statuimus etiam quod propter hoc panis et vinum de cellario monachorum non subtrahantur Tres solidos quoque quos debet Isanbardus serviens noster de censu pro horto suo de Vana distribuendos eadem die in pane pauperibus donavimus Ceterum sub anatematis vinculo inhibemus ne VII libre neque sexaginta solidi in alios usus quam prediximus expendantur Donavimus quoque itidem medietatem molendini de Paradone ecclesie Sancti Baudi et illam medietatem oblationum quas ibidem percipiebamus in Pentecostem ut in prefata ecclesia duo monachi jugiter Deo militantes unam missam defunctorum singulis diebus celebrent pro nobis et fratre nostro Gaufrido Bullen Quod ratum et inconcussum permansurum cupientes presentes litteras sigillo nostro roboratas ad munimentum donationis hujus servari precepimus anno incarnati Verbi MCLXXXIII