Charter Document - 02350311
| Charter Number: | 02350311 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1181 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis amen Philippus Dei gratia Francorum rex Noverint universi presentes pariter et futuri quod nos divine pietatis intuitu et ob remedium anime patris nostri et predecessorum nostrorum monasterium Pontiniacense cum omnibus pertinentiis suis quecumque et ubicumque sunt in regno nostro sub cura et protectione nostra suscipientes universa que in presentiarum possident vel acquisituri sunt salvo alieno jure eidem monasterio et fratribus ibidem Deo servientibus et deinceps servituris benigne concedimus preterea immunitates eidem monasterio et aliis monasteriis ad illud pertinentibus pia liberalitate donamus a predecessoribus nostris ipsis concessas videlicet ut nullus publicus judex nullus prepositus nullus insuper ministerialium nostrorum exigat vel requirat sive ab ipsis sive ab eorumdem famulis in propriis scilicet rebus pedagium rotagium theloneum vel alias aliquas consuetudines sed liberi et quieti tam per terram quam per aquam ab omni consuetudine eant et redeant Que omnia ut perpetuam stabilitatem obtineant presentem paginam sigilli nostri auctoritate ac regii nominis karactere subtus annotato precipimus confirmari Actum apud Fontemblaaudi anno incarnati Verbi MCLXXXI regni nostri anno II astantibus in palatio nostro quorum nomina supposita sunt et signa S comitis Theobaldi dapiferi nostri S Guidonis buticularii S Mathei camerari S Radulphi constabularii Data per manum Guidonis cancellarii