Charter Document - 02350307
| Charter Number: | 02350307 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1181 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Willelmus episcopus Altissiodorensis presentibus et posteris volumus notificari quoniam Garnerius filius domni Roberti prepositi ante nos veniens cognovit et confessus est quandam maitam salinariam et locum in quo sita est in foro Altissiodori se canonicis Sancti Mariani pro XX libris Altisiodorensis monete vendidisse Uxor vero ejus que presens affuit vendicionem cognovit et laudavit filia quoque ejus Adelina quum plures liberos tunc non habebat hoc ipsum laudavit De Rainaldo quidem fratre suo qui Jherosolimis erat predictus Garnerius pepigit pactumque confirmando fidem suam plenivit quum si infra tempus vite sue veniret prescriptam vendicionem eum laudare faceret et quandiu viveret predictum mercatum guarandiret Si vero ante fratris adventum Garnerium mori contingeret ille qui successor ei esset et que sua fuerant possideret jam dictam vendicionem fratrem advenientem laudare faceret Hujus rei quum audivimus et interfuimus testes sumus ego Willelmus episcopus Altisiodori Stephanus Ollandi magister Robertus Abolant Bonus Amicus archipresbiter Petrus buticularius Ut igitur predicta vendicio canonicis inviolata permaneret precatu eorum et Garnerii fecimus eam litteris commendatam sigilli nostri caractere consignari Actum est hoc Altissiodoro anno Incarnacionis Domini MCLXXX primo anno Philippi regis filii Ludovici