Charter Document - 02350303
| Charter Number: | 02350303 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 |
| Date type: | Internal, A.D. |
| Resource Link(s): |
|
Charter:
G Dei gracia Senonensis archiepiscopus omnibus ad quos littere iste pervenerint in Domino salutem Universitati vestre notum esse volumus quod Normannus de Villabuglen et duo generi sui Bartholomeus de Braetolis et Milo Crocus milites ante nos venientes recognoverunt quod ad preces dilecti filii nostri Stephani abbatis Sancti Remigii quandam consuetudinem quam habebant in hominibus suis de Villanova et Capella et de Viconovo que consuetudo commendisia vocatur ecclesie Beati Remigii dederant et in perpetuum possidendam concesserant Dixerunt etiam quod hoc donum super altare predicte ecclesie in elemosinam obtulerant et super sancta juraverant quod firmiter tenerent et defensionem et guarentiam si necessitas ingrueret portarent Hoc itaque predicti milites ante nos laudaverunt et cum eis quidam filius supradicti Normanni et due filie sue predictorum militum uxores et duo filii jam dicti Bartholomei Guido et Guerricus Normannus quoque feodum illud ad dictam ecclesiam pertinere recognovit et in manu nostra dimisit Nos vero per manum abbatis eidem ecclesie illud assignavimus et tenendum in perpetuum concessimus Data per manum Petri notarii anno incarnati Verbi MCLXXX