Charter Document - 02350299
| Charter Number: | 02350299 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 |
| Date type: | Assigned |
| Resource Link(s): |
|
Charter:
Willelmus Dei gratia Remorum archiepiscopus apostolice sedis legatus omnibus ad quos littere presentes pervenerint in Domino salutem Noverint universi quod cum curam et administrationem Senonensis ecclesie gereremus et Garinus vicecomes absque liberis decederet Galerannus qui defuncti Garini sororem in uxorem duxit propter infestationes et molestationes que sibi inferebantur ut nos in acquisitione hereditatis que uxorem suam de jure contingebat sibi patrocinium prestaremus et pro relevatione feodi nostri medietatem molendinorum super Vannam positorum que hereditario jure ad uxorem suam spectabant nobis et successoribus nostris assensu uxoris et heredum suorum in perpetuum possidenda concessit Nos autem numerum prebendarum que in Senonensi ecclesia pauca erant augere desiderantes de prefata medietate molendinorum et fructibus inde provenientium unam ordinavimus prebendam quam assentiente ejusdem ecclesie capitulo magistro Girardo archidiacono Trecensi assignavimus hoc tamen tenore quod post obitum ipsius Girardi ipsa medietas molendinorum in jus commune capituli vel ad ipsum archiepiscopum revertatur dummodo numerus prebendarum qui per nos auctus est non decrescat