Charter Document - 02350294
| Charter Number: | 02350294 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1180 |
| Date type: | Internal, A.D. |
| Resource Link(s): |
|
Charter:
Ego Manasses Dei gratia Lingonensis ecclesie episcopus notum facio omnibus tam futuris quam presentibus quod Guillelmus Raveriarum dominus ejusque antecessores quasdam elemosinas Sancte Marie de Julleyo et sanctimonialibus ibidem Deo servientibus declaravit quas Stephanus Villanus gener ejus contradicebat Deinde nobilissimi viri et prudentissimi cum super hoc convenerant et ad hoc induxerunt quod elemosinas a predictis antecessoribus Raveriarum datas a monticulo Combe Richardi Jacet ut mete posite fuerunt usque ad introitum nemoris illius quod vocatur Chapulaine eidem ecclesie libere et quiete possidendas concessit excepta justicia quam super forenses sibi retinuit Super familiam vero Julleii neque super res earum neque super homines ad eas pertinentes vel qui per easdem in predicta elemosina erunt nullam retinuit justiciam Has etiam predictas elemosinas laudavit ipse et concessit et uxor ejus et omnes liberi ejus et filiastra ejus Coquille et omnes homines qui infra metas de ipsa terra aliquid excolebant omnes laudaverunt Hoc etiam predictus Stephanus et successores ejus contra omnes illos qui super hoc aliquid calumniabunt garantire debent familia vero domus si aliquid in predicta foris fecerit chatallum restituatur sibi De hac ipsa re de domus caritate centum solidos et sex denarios habuit In molendino vero de Tormencey quicquid habebat sanctimonialibus Julleii in elemosina dedit et concessit in mense marcii pro census duobus solidis persolvendis Hujus rei testes sunt Robertus prior Julliaci cujus tempore hoc factum fuit Anselmus camerarius Rainaudus conversus de Julleio Harduinus Garinus Ricardus Johannes Raveriarum cappellanus Jocelinus de Avalon qui rem istam composuit Gaufridus d'Arren Petrus Aillerez Chavinus villicus ejus Odo de Marmaigne Actum est hoc [anno] ab Incarnatione Domini MCLXXX