Charter Document - 02350293
| Charter Number: | 02350293 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1180 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Willelmus Dei gratia Autissiodorensis episcopus Notum volumus fieri tam presentibus quam futuris quod Gaufridus de Arsiaco Jerosolimam iturus ob remedium anime sue et suorum in presentia nostra dedit et concessit in perpetuum domui et sanctimonialibus de Crisenone usuarium mortui nemoris in bosco suo de Arsiaco ita quod singulis diebus licebit eis si voluerint et potuerint capere et adducere de predicto nemore mortuo semel in die quantum duo equi in una quadriga poterunt ducere Concessit etiam idem Gaufridus quod si forte quadrigam monialium in prescripto bosco aut in eundo vel inde redeundo frangi contigerit de vivo nemore quadrige fractionem posse et licere reparari Hoc totum quoniam opus caritatis et predicte domui valde utile et necessarium noverant laudaverunt uxor predicti G filii eorum filieque ac generi Ut autem firmius et certius esset donum istud moniales de eo investivit sepe dictus G in capitulo suo Hoc totum ut ratum et immobile imperpetuum perseveraret ad peticionem utriusque partis scripto mandari et sigilli nostri munimine roborari fecimus Hujus rei testes sunt Girardus abbas Vizeliaci Gaufridus Beati Petri Autissiodori et Gaufridus Sancti Laurentii abbates Enjorreadus elemosinarius Vizeliacensis Odo monachus et presbiter Odo de Prato Gilberti Actum anno ab Incarnatione Domini MCLXXX