Charter Document - 02350281

In nomine sancte et individue Trinitatis Ego Willelmus Autissiodorensis episcopus notum facimus tam presentibus quam futuris quod priorissa et conventus de Crisenone divine pietatis et precum nostrarum intuitu receperunt in moniales tres filias defuncti Petri de Gurgiaco Nos vero considerantes earum erga nos devotionem et nimium ipsarum gravamentum tam de receptu predictarum monialium quam de immensa multitudine aliarum eis misericorditer dedimus et concessimus XX solidos censuales et VII libras cere annuatim reddendos in ecclesia de Monesterello et presentationem capellani Concessimus etiam quod si forte contigerit eas conventum monialium ad predictam ecclesiam mittere et ibi morari totum beneficium ecclesie accipiant et capellanum suum ecclesie illi convenienter deservire faciant Dedimus item eisdem monialibus et assignavimus L solidos annuatim eis reddendos de theloneo nostro Autissiodori ad procurationem infirmarum donec idem redditus a nobis vel a successoribus nostris alibi eis oportune assignetur Constituimus preterea nos et successores nostros an[nuatim] dare unum modium frumenti eidem ecclesie ad victum trium predictarum monialium ita quod una earum decedente quatuor sextarii de predicta summa cadent secunda octo tertia totus modius In vestibus quoque quandiu vixerint nos et successores nostri tenebimus providere eisdem Vineas etiam et prata que ex morte Willelmi capellani de Malliaco nobis provenerunt eidem ecclesie in perpetuum possidenda concessimus dedimus quoque eidem ecclesie medietatem minime decime de Lugniaco Ut autem hoc totum ratum et immobile perseveret presenti scripto et sigilli nostri impressione roborari fecimus Hujus rei testes sunt Gaufridus abbas Sancti Laurentii Bonamicus archipresbiter Autissiodori Gaufridus de Chanquoil magister Robertus Willelmus canonicus Autissiodorensis Actum Crisennone in capitulo anno ab Incarnatione MCLXXVIIII