Charter Document - 02350278
| Charter Number: | 02350278 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1178 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Willelmus ecclesie Sancti Stephani Altissiodorensis decanus Girardus archidiaconus Ugo thesaurarius Ugo cantor conventusque nostri capituli Qui pauperes Christi fovet et sublevat in eorum necessitatibus Christo ministrat Eo itaque pietatis respectu aque transitum quem Herveus ecclesie nostre cellerarius per exclusam molendinorum nostrorum que de Media Aqua appellantur canonicis Sancti Mariani ad eorum usus necessarios concessit videlicet cum molendina non moluerint vel cum molentibus aqua habundaverit nos cum omni capitulo nostro approbando laudamus eisque habendum in perpetuum juxta prescriptam determinationem concedimus Verum et ne de hoc beneficio nostro aliqua eis in posterum calumpnia oriatur ejusdemque beneficii nostra apud Deum retributio minuatur rem ut a nobis gesta est litteris fecimus annotari sigillique capituli nostri caractere consignari Actum publice in capitulo nostro anno Incarnationis dominice MCLXXVIII Ludovico rege piissimo apud Francos regnante et in ecclesia nostra Willelmo episcopo presidente