Charter Document - 02350275

Alexander episcopus servus servorum Dei dilectis filiis Garmundo abbati monasterii Sancte Marie Quinciacensis ejusque fratribus tam presentibus quam futuris regularem vitam professis in perpetuum Religiosam vitam [] Suit une formule de protection du monastere en usage dans les bulles du pape Alexandre III et on lit ensuite la liste des biens du monastere Locum ipsum in quo prefatum monasterium constructum est cum omnibus pertinentiis suis Grangiam de Bellovisu cum terris pratis nemoribus et pasturis Pascua de Sancto Martino de Cumissiaco de Ruinni de Tanlaio de Baon de Toiri de villa Melundenensi de Sancto Winomaro et per totam terram comitis Nivernensis Pasturas de Ecclesiolis de Langia Grangiam de Quinciaco cum pertinentiis suis Grangiam de Balano cum pertinentiis suis et pasturas de Barneolis de Bracagenulli Grangiam de Carmo cum pertinentiis suis et pasturas de Largensa de Parguisa Grangiam de Chasere cum pertinentiis suis et pasturas de Atorviaco de Prusi de Montefulcerii de Corchegre Grangiam de Arviaco cum pertinentiis ex dono nobilis vir comitis Henrici Trecensis et Milonis militis et patris ejus Grangiam d'Espinolio cum pertinentiis suis Domos quas apud Tornodorum habetis cum tennemento quod fuit Constantii Grangiam de Langio cum appenditiis suis et pasturas de Langi de Balo de Salmis Grangiam de Marsel cum pertinentiis suis et pasturas de Negellis et de Jouenzi de Chameso de Jormis de Columbariis Grangiam de Semont cum pertinentiis suis et pasturas de Brevimuro et per totas parrochias Sancti Medardi et Masneri Grangiam de Pecoalt cum appenditiis suis et pasturas de Marsellio de Balano de Vallibus ex dono et emptione comitis Gerardi Salariam Lami sicut in ejus scripto autentico continetur Domum quam habuistis a fratribus Pontiniacensibus monasterii apud Chablies Prata et vineas in territorio ejusdem castri Domum quam habetis apud Trecas Vineas de Sancto Britio Piscationem aque de Hermentone quam dedit vobis nobilis vir Teobaldus comes de Barro sicut in ejus scripto autentico exinde facto continetur Ex dono bone memorie W comitis Nivernensis et Guidonis fratris ejus piscaturam in aqua de Ecclesiolis Ex dono Oderi militis piscaturam in predicta aqua Hermentionis Terram quam dedit vobis Robertus miles de Asi sicut continetur in litteris Lingonensis episcopi exinde factis Terram quam tenetis apud Sanctum Medardum a Stephano episcopo Eduensi et ex concessione capituli sui pro qua eidem episcopo unum modium bladi et viginti solidos annuatim solvitis Sane laborum vestrorum quos propriis manibus aut sumptibus colitis sive de nutrimentis animalium vestrorum nullus omnino a vobis decimas exigere presumat Liceat quoque vobis clericos vel laicos e seculo fugientes liberos et absolutos ad conversionem recipere et in vestro monasterio sine contradictione aliqua retinere Prohibemus insuper ut nulli fratrum vestrorum post factam professionem in loco vestro fas sit de eodem loco aliqua levitate ductus sine licentia abbatis sui discedere Discedentem vero sine communi litterarum vestrarum cautione nullus audeat retinere Paci quoque et tranquillitati vestre paterna sollicitudine providere volentes auctoritate apostolica prohibemus ut infra clausuras locorum seu grangiarum vestrarum nullus violentiam vel rapinam sive furtum committere aut ignem apponere seu hominem capere vel interficere audeat Decernimus ergo ut nulli omnino hominum liceat prefatum monasterium perturbare [] Ego Alexander catholice ecclesie episcopus subscripsi Datum Laterani per manum Alberti sancte Romane ecclesie presbyteri cardinalis et cancellarii XV kalendarum aprilis indictione XII Incarnationis dominice anno MCLXXVIII pontificatus vero domini Alexandri pape tercii anno XX