Charter Document - 02350261
| Charter Number: | 02350261 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1176 |
| Date type: | Internal, A.D. |
| Resource Link(s): |
|
Charter:
Willelmus Dei gratia Senonensis archiepiscopus apostolice sedis legatus dilectis filiis abbati et fratribus de Deiloco in perpetuum Considerantes ordinis et religionis vestre honestatem et fidei constantiam et devotionis quam erga nos geritis sinceritatem attendentes vobis divine pietatis intuitu ecclesiam de Buissiaco liberam et quietam ab omni exactione et consuetudine tam nostra quam archidiaconi Senonensis vel etiam decani presbiterorum excepto synodo et circada donamus et in perpetuum pacifice possidendam concedimus Ecclesiam etiam de Pareto quam bone memorie Hugo archiepiscopus predecessor noster vobis donavit eodem tenore in posterum habendam concedimus Ne autem super eisdem ecclesiis aliqua vobis de cetero molestia vel injuria possit inferri eas presentis scripti attestatione sigilli nostri auctoritate vobis et ecclesie vestre confirmamus statuentes et sub anathemate prohibentes ne quis vobis et ecclesie vestre confirmationi in aliquo contraire presumat salva in omnibus apostolice sedis auctoritate Actum anno ab Incarnatione Domini MCLXXVI