Charter Document - 02350235
| Charter Number: | 02350235 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 |
| Date type: | Internal, A.D. |
| Resource Link(s): |
|
Charter:
Willermus Dei gratia Senonensis archiepiscopus sedis apostolice legatus omnibus sancte matris Ecclesie filiis tam futuris quam presentibus in perpetuum Noverit universitas vestra quod Petrus de Varellis querelam quam habebat adversus canonicos Deiloci de usuali quod habebat in foresta Vallis Mauri in pace dimisit eo videlicet tenore quod fratres ejusdem loci predictam forestam quando voluerint per se et per alios libere extirpare et ad culturam redigere poterunt Sed Petrus et homines illius ex eodem nemore quod sibi necessarium invenerint capere poterunt quandiu nemus duraverit Omnes etiam querelas quas adversus Deiloci ecclesiam habebat de jure uxoris sue in pace dimisit Laudavit hoc Ermensendis mater ejusdem Petri et Odelina uxor ejus et Stephanus filius ejus Quod ut ratum et inconcussum permaneat presentis scripti attestatione et sigilli nostri authoritate confirmari et corroborari fecimus Actum est hoc anno ab Incarnatione Domini MCLXXIIII