Charter Document - 02350229
| Charter Number: | 02350229 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1173 |
| Date type: | Internal, A.D. |
| Resource Link(s): |
|
Charter:
Sciant presentes et posteri quod ego Guido comes Nivernensis pro Dei amore et animarum patris et fratris mei et antecessorum meorum remedio et mee dedi et concessi in elemosynam monialibus de Crisenone unum bichetum gleni in molendinis suis de Autissiodoro qui michi exciderat de Stephano Chenau quem idem Stephanus in prefatis molendinis habebat pro factura lignei operis quam in molendinis adhibebat et singulis hebdomadis illum capiebat Hunc bichetum qui michi de homine meo per excasuram excidit ego Guido comes dedi in elemosynam et quitavi predictis monialibus Quod ut ratum et inconcussum permaneat in futurum publico legitimorum hominum testimonio confirmavi et sigilli mei impressione roboravi Hujus rei testes sunt Regnaudus de Marchia Theobaudus de Gonnossa Regnaudus Malis Fainerius de Droia Petrus de Churcum Milo tunc prepositus Autissiodori Raadus Robertus capellanus comitis Petrus de Sancto Peregrino et alii plures Actum est hoc Autissiodori anno Verbi incarnati MCLXXIII regnante Ludovico rege Francorum Willelmo episcopo Autissiodori