Charter Document - 02350226
| Charter Number: | 02350226 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Foundation |
| Date: | 1172 |
| Date type: | Internal, A.D. |
| Resource Link(s): |
|
Charter:
Sciant tam presentes quam posteri quod ego Drogo de Merlo et et Ermengardis uxor mea dedimus Deo et Beate Marie et fratribus Grandimontensis ordinis qui morantur in nemore juxta Sanctum Mauricium quicquid habuimus infra cingulum fossati sui laude et assensu domini Guidonis de Dampetra et domini Milonis fratris sui et Guillelmi filii nostri et ceterorum heredum nostrorum et dominus Petrus Bernardi si quid habebat infra fossatum predictorum fratrum quitavit eis Hoc approbavit dominus Humbaldus abbas Sancti Germani et commune capitulum ejusdem ecclesie et quicquid dominus Guillelmus de Blairi in hoc dono habebat ipse et heredes sui et uxor ejus eis dederunt et donum laudaverunt et dominus Hato de Insula similiter Item dominus Matheus Vanne et dominus Stephanus Putet dederunt eisdem fratribus censum manus firme cum omni justicia et dominatione et cum excassura si forte evenerit Preterea dominus Robertus sacerdos de Charmoi dedit predictis fratribus duos modios vini in vinea sua ad Chicheri et quatuor sextarios annone de terris suis duos scilicet sextarios frumenti et unum sextarium siliginis et alterum ordei et jussit ut quicunque essent terras suas vel predictam vineam tenentes annuatim redderent sepedictis fratribus et vinum et annonam sicut prescribitur Qui si reddere desierint predicti fratres ad terras et ad vineam revertentur Fraaldus maior de Eglini et uxor ejus et filii ejus dederunt eis duos solidos et sex denarios annuatim in domo Johannis Ogeri recipiendos Dedit etiam eis dominus Saudagueit sex denarios ad Mormund annuatim ad Albam Spinam Dominus Reinardus Raffard dedit prescriptis fratribus duodecim denarios annuatim recipiendos in molendino maioris de Eglini ad pontem Sancti Mauricii Veteris quos de censu habebat Dominus Hugo Balbus dedit eis annuatim XVIII denarios quos habebat in uxore Petri le Limozin de abunagio Ut autem hoc ratum permaneat futuris temporibus sigillorum nostrorum impressione confirmavimus Actum anno Domini MCLXXII