Charter Document - 02350214
| Charter Number: | 02350214 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1171 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Guido comes Nivernensis omnibus tam presentibus quam futuris nota fieri volo ea que sequntur Servientes mei in munitionem de Escano quam esse constat propriam ecclesie B Germani cum armata manu hospitandi causa cupientes violenter irrumpere cum homines loci sibi suisque timentes violencie illorum obsistere conarentur quosdam eorum occiderunt quosdam multis confossos vulneribus reliquere semineces Pro tam evidenti sua ecclesieque sue injuria venerabilis abbas ejusdem ecclesie Arduinus presentiam meam semel et iterum adiit immanitatem facti et innocentium mortem damnumque ecclesie conquerendo exponens Ego igitur querelam ejus justissimam esse considerans habito cum hominibus meis consilio et pro damni recompensatione simulque satisfactione de tam gravi injuria et pro salute anime patris mei et parentum meorum dedi absolute et libere Deo et ecclesie B Germani Guillelmum de Monte Marcii et uxorem ejus et fratrem et heredes eorum et totum tenementum ubicumque illud habeant cum omnibus acquisitis ab eis vel acquirendis Quicquid etiam querelabam in uxorem Guarnerii Camberlenci et in filios vel filias seu in tenementum illius totum guerpivi et dedi libere et absolute Deo et jam dicto beato confessori ut eo modo et ea conditione qua vel ego vel antecessores mei predictum Willelmum et uxorem et fratrem ejus et heredes et res mobiles vel immobiles eorum habuerant et possederant habeat illos ecclesia S Germani jure perpetuo Testes sunt Garnerius seneschallus et XVI alii in carta notati Hoc autem donum ut ratum et inconvulsum jam dicte ecclesie omni etate permaneat presentem cartam sigillo meo muniri precepi Actum publice Autissiodori anno ab Incarnatione Domini millesimo centesimo septuagesimo primo regnante Ludovico piissimo rege Francorum