Charter Document - 02350213
| Charter Number: | 02350213 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1171 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis Ego Guido comes Nivernensis laudo et presenti scripto confirmo salvamentum de potestate Digie monasterio Sancti Germani Autisiodorensis fratribusque ibidem Deo servientibus quod bone memorie Guillelmus comes frater meus qui apud Bethleem requiescit eidem monasterio predictisque fratribus pro remedio anime sue et sancte recordacionis Guillelmi patris mei in capitulo Beati Germani sepulti aliorumque antecessorum nostrorum legavit et imperpetuum possidendum donavit Confirmo eciam et laudo elemosinam prenominati patris medietatem scilicet Ville Nove cum appendiciis suis item arberiagium de prefata potestate Digie sexaginta solidos apud Sanctum Gervasium de censu pro anniversario ejusdem Recognosco iterum quod infra firmitatem seu municionem de Escant neque salvamentum neque arberiagium habeo Idipsum Rainaudus frater meus laudavit Actum est hoc Autisiodoro anno ab Incarnatione Domini MC septuagesimo primo Ludovico rege regnante Guillelmo presule Autisiodori me ipso quoque Guidone Nivernensi comite Hujus rei testes sunt ex parte comitis Robertus capellanus comitis et quatuor alii in carta notati ex parte Sancti Germani Johannes camerarius et quinque sequentes in carta notati et multi alii