Charter Document - 02350201
| Charter Number: | 02350201 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1170 |
| Date type: | Assigned |
| Resource Link(s): |
|
Charter:
Willelmus Dei gratia Senonensis archiepiscopus apostolice sedis legatus dilectis in Christo filiabus priorisse totique capitulo de Crisenone salutem in Domino Ex multorum relatione cognovimus quod reditus vestri multitudini que ad vos confluit nullatenus sufficere possunt Volentes autem utilitati ecclesie vestre providere statuimus ne numerus sanctimonialium ultra centenarium aliquo modo in ecclesia vestra protendatur Inhibemus ergo sub anathematis intentatione ne quis huic nostre institucioni ausu temerario obviare presumat salva in omnibus sedis apostolice auctoritate