Charter Document - 02350195
| Charter Number: | 02350195 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1169 |
| Date type: | Internal, A.D. |
| Resource Link(s): |
|
Charter:
Ego Guillelmus prepositus et universum capitulum Senonensis ecclesie notum fieri volumus tam presentibus quam futuris quod controversia diu habita est inter nos et ecclesiam de Pomereto de medietate decimarum de nemore Raaldi que ad nostram spectabat ecclesiam Scilicet precibus domini cardinalis Jacincusti et Hugonis archiepiscopi nostri et aliorum virorum religiosorum concessimus ecclesie de Pomereto in perpetuum habendam medietatem predictam decimarum Quod ut hoc ratum fieret sigilli nostri corroboravimus auctoritate Hujus rei testes fuerunt Guillelmus prepositus Odo decanus Hugo archidiaconus Matheus thesaurarius Teo celerarius Simon archidiaconus Meludunensis Hugo archidiaconus Stampensis Hirbertus magister Petrus Teobaldus Odo Salo Rainaldus Guido et alii multi Data per manum Galfridi precentoris et cancellarii anno ab Incarnatione Domini MCLXIX